Sól í Berlín
Skrifað þann 1. maí 2012
Yðar einlægur er að sólbrenna bakið í Berlín. Kebab og kúluís. 1. maí í Berlín er ekki búinn að hrella hérahjartað mitt ofan í buxurnar. Allir frekar slakir að grilla í almenningsgörðunum. Kannski breytist stemmningin þegar líður á kvöldið. Grilla á daginn, henda grjóti á kvöldin. Það er kannski stemmningin hér.
Annars er ég að róta fyrir tónlistamannin 7oi. Hann hefur hingað til verið laus við alla stjörnustæla og ég hlakka til að fara til Póllands með honum á morgun. Að róta er lífið. Kebab og kúluís.
Er það tvöþúsundogtólf?
Skrifað þann 28. febrúar 2012
Sveimér þá, það er komið 2012. Það kom mér skemmtilega á óvart þegar ég las það á bloggi í dag að þetta er síðasta árið á lífsleið minni sem er fimm atkvæði. Síðasta fimmatkvæðis árið mitt, tvö-þús-und-og-tólf. En ég er ekki enn búinn að gera upp árið 2011. Nýja árið hrisstist í gang með svo miklu offorsi. Ég er til að mynda búinn að fara tvisvar til Ísafjarðar og spila í Tjöruhúsinu. Einu sinni einn og einu sinni með Gímaldin. Gísli Magnússon hafði ekki komið vestur í sínu manna-minni. Ég sýndi honum auðvitað húsið sem mig minnir að forsetinn hafi fæðst í og splæsti á hann Kropp-Sælu með lauk. Næst dreg ég Halta Þorkelsson með mér vestur og þá er planið að fara á Grease, sjá húsið sem mig minnir að forsetinn hafi fæðst í og borða Kropp-Sælu með lauk.
Allar þessar ferðir vestur eru góð upphitun fyrir komandi sumarsetu á Ísafirði.
Við Hjalti ætlum líka að bralla sitthvað saman næstu misseri. Erum með tónleika á Café Rosenberg 15. mars og ætlum að meika það í útlöndum næsta haust. Það er langþráð meik. Norðurlöndin og Ítalía eru helstu vígin. Ég get ekki beðið eftir að vera stjarna í Ítalíu.
Þangað til næst bara.
Jólageit
Skrifað þann 26. desember 2011
Desember er búinn að vera mér góður. Spilaði búgí í Iðnó, blús á Bar 11, þjóðlagatónlist á Barböru, Kex-Hostel og Rosenberg. Át yfir mig á Munnhörpunni og Grillmarkaðnum og svo aftur heima hjá mér. Ítrekað. Búinn með fyrstu seríu af The Wire. Sá Kammersveit Reykjavíkur í Hörpu og Mugison líka. Drakk mikið af kaffi með góðu fólki og varð blautur í lappirnar aftur og aftur. Það er ekki hægt að biðja um meira.
Á meðfylgjandi mynd má sjá Gímaldin skemmta gestum í bókaversluninni Iðu. Þar var kaupæði.
Myndasarpurinn
Skrifað þann 19. desember 2011
Splæsi mynd á liðið.
Skúli mennski við Gullfoss. Einstök náttúrulífsmynd.
Ef að þú ferð
Skrifað þann 17. desember 2011
Ég er að hamast við að gera íslenskan texta við lagið After you´ve gone. Ef að þú ferð. Nokkuð strembið að íslenska texta verð ég að segja. Hef ekki gert það síðan ég snaraði Corcovado yfir á íslensku og flutti með Skleburunum á Rosenberg. After you´ve gone útgáfan sem ég hef til hliðsjónar er sungin af Fiona Apple. Obbo flott.
Jólin eru svo bara að nálgast. Framundan eitt blúsgigg á Bar 11 með Blúsharmóníunni og eitt trúbbagigg á Barböru (Laugarvegi 22). Annars á ég ekki von á frekari spilamennsku fram að jólum. Og ef útí það er farið þá á ég von á því að janúar og febrúar verði ansi rólegir líka. Ekki þar fyrir að auðvitað verður allt vitlaust í gangi hér á heimasíðunni á meðan.
Farinn!
Miðasala
Skrifað þann 8. desember 2011
Elskulegi lesandi. Nú er að bresta á með útgáfu og aðventu búgí tónleikum Skúla mennska og hljómsveitarinnar Grjót. Miða í forsolu og hóptilboð er hægt að nálgast í síma 8613553. Til mikils er að vinna vegna þess að Þórunn Arna Kristjánsdóttir, Ari Eldjárn og KK ætla að heiðra okkur með nærveru sinni. Búgí!
Útgáfu og aðventu Búgí!
Skrifað þann 4. desember 2011
Fortíðarþrá
Skrifað þann 18. nóvember 2011
Langaði bara senda gamalt myndbrot útí loftið áður en draumalandið fangar mig.
Þessi er tekin af hóp sem ég ferðaðist með í lest á milli smáþorpa í Svíþjóð 2009. Inlandsbanenfestival. Fann ferðadagbókina mína fyrir tilviljun áðan þegar ég var að leita að blústextum á lager.
Mikið var annað blúsað vel á því í kvöld. Elmore James í krassandi útsetningu.
Moli um miðil
Skrifað þann 17. nóvember 2011
Með Fréttablaðinu í dag fylgja tvö sérblöð. Það er annars vegar Allt sem býður uppá umfjöllun um tísku og mat og hins vegar Jakkaföt. Þar er að finna nokkrar auglýsingar frá Herragarðinum og eina frá Efnalauginni Björg.
Þessi færsa er helst ætluð þeim sem lesa ekki Fréttablaðið.
Annars er ég nú bara að klóra mér í höfðinu. Vantar nafn á blúsverkefni. Blúsharmónían er ein pæling. Blúskompaníið og Blúsakademían eru til nú þegar. Það verða í öllu falli blústónleikar á Rosenberg 23. nóv. Þúsari inn og allir að mæta.
Dagur íslenskrar tungu
Skrifað þann 16. nóvember 2011
Hvað getur maður sagt? Ég er orðlaus. Læt bara myndirnar tala.
Ég um borð í Hildi sem hýsti okkur Hjalta í Húsavík á dögunum.
Skúli mennski og geit frá Háafelli
Sinead O´Connor í Fríkirkjunni
Hjalti Þorkelsson teflir sjálfsskák í Hlöðunni Litla Garði við Akureyri.
Styttist í fréttir af aðventu og útgáfubúgítónleikum, blústónleikum og ýmsu öðru krassandi listrænu dóti sem framtíðin ber í skauti sér.